人成长，总要经历好多好多。细细个，我地就听见老人家同我地讲，呢个世界系有报应嘅。正所谓善有善报，恶有恶报，唔系唔报，时辰未到，时辰一到，立即就报。呢D嘢，我地由细听到大。或者我地都会，或者，可能，相信呢D大无畏嘅佛家理论。
但最近我又系度林。呢个世界咁多仆街杏加橙，如果天有眼，系咪果D仆街应该早就罗去打靶啊？点解距地仲生欧殴企响处噶？咁D仆街咁多，个天又点抓晒呢帮仆街呢？会唔会抓少佐几个呢？咁正因为我有呢个疑问，唔少关心我嘅朋友就会同我讲啦。距地话：唔系唔报，时辰未到嗻，果D仆街一定会有报应嘅。呢个答案令到我又有另外一个疑问啦：咁几时先到啊？咁如果个报应要等一百几十年，咁同唔报有咩唔同啊？
其实，我林到嘅或者唔系咁样。而系我觉得，人大过佐，一切好多嘢都系要靠自己。以前我地学嘅仁义道德，系社会根本行唔通嘅。忠，孝，信，仁，恕，试问而家又有几多社会上嘅人会把呢D嘢放系心上呢？ok，你可以大胆讲一句你系咁做，但其他人呢？我自问我呢世人做事对得住天地良心，但我可以确保其他人咩？而且，你咁做，点解人家要咁做啊？好话唔好听，都唔系话好话啦，直程就系唔好听。你善良，人家点解就唔可以稳你笨7啊？而家好多人都系埋没良心咁系度稳人笨7噶啦。好出奇啊？系咁噶啦！！稳食嗻～～
咁善良嘅人，被人稳笨7，然后我地就觉得个天会帮拖。呢个观点又令我林到一个问题啦。而家社会，朋友都会稳你笨7。咁点解你又认为个天会帮你呢？你同个天好熟啊？你地friend来噶？咁就算系friend，点解你又认为距一定会帮你嘅？抑或你个仔或者你老豆叫做“个天”啊？所以你比人虾，你就同距讲：你睇住来啊，“个天”会收你噶。然后你翻去稳你老豆报寸？ok，你老豆唔系叫“个天”，咁你都仲有机会，生个仔啊～
其实，我想讲嘅系。人大个佐，一切一切都要靠自己，唔好将希望放系人家身上，因为你好大可能会失望。而且，就算两样嘢都系死，咁你宁愿自己玩死自己剩系中意比人玩死啊？更加唔好认为一个你唔系好熟嘅friend”个天”，会同你做主。世界咁多人，”个天”距要search你个名，睇来都要一定嘅时间。仁义道德，诚信呢D咁嘅嘢，放系自己心里面作为尺度就足够，你千奇唔好以为人家都会系咁，认真你就输佐啦。
夫子同我地世人讲个“恕”字，唔系话，人家虾你，你就由鬼距，果D咩Q嘢以德抱怨，你miss老点你噶嗻；夫子嘅意思系，人家洽你，你就忍下距，唔鬼理距，距再来，你就dup 7距。耶稣话，如果有人打你左边脸果句嘢，其实系D粉肠翻译错佐。耶稣嘅原意其实系，如果有人打你左边脸，你就刮翻距右边啦。
人大个佐，你就要学识为自己做嘅嘢负责。呢个世界就系一盘棋，就算你今日比人点到摊摊腰，就算面对而家嘅棋局几咁难行，你都要行埋落去。认真冷静咁去行好接下来嘅每一步。穷途未必系绝路，绝处都可以逢生。而家嘅一切磨难，都会系以后路上嘅经验。既然每一场仗都必须要打，点解唔轰轰烈烈去打？